And That's What I Call 'Groupwork'

Deadline na namo gahapon sa among IT 27 nga project, which is an advertisement for 60 seconds.

Posporo among topic. Posporo Pichay.
Maayo pa gani namong plano sa among storyline; kung unsa'y mahitabo, pila ka characters, asa ang setting, mga taglines. Sayo gud kaayo mi nagplano.

Then ninglungtad ang pila ka adlaw, semana. Hangtod nga niabot gyud ang deadline which is gahapon. Wala gyud mi nakabuhat sa among Flash project maski usa ka scene. Si Christopher kay nagbuhat sa ilaha, pero draft ra, wala pa gani mahuman.

Nagkita mi gahapon sa akong mga kagrupo, and I told them nga wala mi ika-submit. Nihangyo na lang ko ni Alicia nga ingnan si Christopher nga dad-on to iyang binuhat, bahala'g bati.

Then pagka-gabii na ana. Wala gyud nitunga ni isa sa akong mga kauban. Nitunga to si _________, pero niuli ra sad siya dayon. Wala gyud mi na-submit.

Suya gani kaayo ko ilang Dennis nga project kay nindot kaayo: kaldero nga nag-away, unya wacky kaayo. Kami intawon, wala maski usa ka frame.

Nagbuhat ko ug dali-dali sa laboratory, pero pagkahibalo nako nga wala'y internet connection kay gi-block, na-discourage ko ug gi-discontinue ang trabaho. Hahay.

Nihangyo ko ni Dennis nga kuyogan ko ila Mayet para manghuwam sa laptop niya. Ako na la'y mobuhat. Maayo gani kay nisugot si Mayet nga ipahuwam nako.

Ug mao gabii, nakasugot na ko sa mga drawings. Ang nakapait lang, dili mo-work ang keyboard sa laptop ni Mayet. As in, lisud gyud kaayo i-maneuver kung mouse ra. Naanad man gud ko'g keyboard shortcuts, ug tungod sa nahitabo, nakuhaan gyud ug dako akong processing time.

Ako na'ng tiwason akong animation after this post. Naa ko diri karon sa internet cafe, gi-type ang mga texts nga gamiton sa among presentation, ug nag-collate sa tanan nga mga special characters, letter case nga gamiton nako. Ana lang.

And that's what I call groupwork. Usa ra'y magbuhat.
Sad-an man sad gyud ko. Pero honestly, mao gyud ni akong kalagutan basta groupwork. Ang mahitabo man gud, usa ra'y magbuhat unya ang uban inutile. Hahay.

Sige oi, balik na ko.